Қозоғистоннинг Ақтўбе вилоятида 52 киши ҳалок бўлган фожиали автобус ҳалокатидан бутун Германия чуқур қайғуда, дейилади мамлакатнинг Тошкентдаги элчихонаси Facebook’даги саҳифасида қолдирилган хабарда.
Бу ҳақда Берлинда Германия ташқи ишлар вазирлигининг Марказий Осиё бўйича махсус вакили Андреас Пешке айтиб ўтди. У қурбонларнинг оила аъзолари ва яқинларига ҳамдардлик билдирди.
Германиянинг Ўзбекистондаги Фавқулодда ва мухтор элчиси Гюнтер Оверфельд ҳам 18 январь куни Ўзбекистон Ташқи ишлар вазирининг ўринбосари Саидикром Ниёзхўжаев билан бўлиб ўтган учрашувда ўз ҳамдардлигини изҳор этди.
Изоҳ (0)