Футбол бўйича Испания Кубогининг ярим финалига йўлланма олишни истаётган жамоалардан 6 таси майдонга тушди. Бугун Мадриднинг «Реал» клуби «Леганес»га қарши саф тортади.
Чорак финалнинг дастлабки ўйинларида икки кутилмаган натижа қайд этилиб, бирида «Барселона» ҳамшаҳрига имкониятни бой берди. «Эспаньол»га қарши ўйинда Лионель Месси пенальтидан аниқ фойдалана олмади. Бу ҳол қимматга тушиб, «Барселона» сўнгги дақиқаларда гол ўтказиб юборди.
Эрнесто Вальверде шогирдлари бунга қадар 29 та ўйиндан буён мағлубият нима эканини билмай келаётганди. Каталония дербисида эса имконият бой берилди ва бу серияга якун ясалди.
Мадриднинг «Атлетико» клуби ҳам навбатдаги босқичга йўл олиш масаласини оғир аҳволда қолдирди. Монтелла бошчилик қилаётган «Севилья»ни қабул қилган пойтахтликлар, 1:2 ҳисобида мағлуб бўлди. Диего Коста ҳисобни очганига қарамай, Симеоне шогирдлари бу устунликни сақлаб қола олмади.
Чорак финалнинг учинчи ўйинида «Валенсия» Испания Кубогининг амалдаги финалчиси бўлган «Алавес»ни таслим қилишга эришди.
Испания Кубоги Чорак финал 17 январь, чоршанба
«Атлетико» — «Севилья» 1:2
Голлар: Диего Коста, 73 (1:0). Хесус Навас, 80 (1:1). Хоакин Корреа, 88 (1:2).«Валенсия» — «Алавес» 2:1
Голлар: Рубин Собрено, 66 (0:1). Гонсалу Гуэдеш, 73 (1:1). Родриго, 82 (2:1).Четлатиш: Адриан Дигес, 77 (А).«Эспаньол» — «Барселона» 1:0
Гол: Оскар Мелендо, 88 (1:0).Ноаниқ пенальти: Лионель Месси, 62 (Б).18 январь, пайшанба«Леганес» — «Реал Мадрид» 01:30
Жавоб ўйинлари 23—25 январь кунлари бўлиб ўтади.
Изоҳ (0)