Германия ташаббуси доирасида Украина ҳаво ҳужумидан мудофаа кучларини қўллаб-қувватлаш учун деярли 1 миллиард евро йиғилди.
Бу ҳақда Германия ташқи ишлар вазири Анналена Бербок Киевда маълум қилди.
Биз мудофаа вазири Борис Писториус билан биргаликда ҳаво мудофаасини кучайтириш бўйича глобал ташаббусни бошладик, ҳозирда Украина ҳаво мудофааси кучларига қўшимча ёрдам кўрсатиш учун жадал иш олиб борилмоқда, деди у.
Илгари Германия Украинага иккита Патриот ҳаво мудофаа тизимини етказиб бергани ва учинчисини топширишни эълон қилган эди.
Аввалроқ Германия Мудофаа вазирлиги Украинага ҳарбий ёрдам учун қўшимча 3,8 миллиард евро зарурлигини маълум қилганди.
Шунингдек, 2025 йилда Германия Мудофаа вазирлиги Киевга ёрдам бериш учун ҳукуматдан рекорд миқдорда 15 миллиард евро сўраши мумкинлиги айтилмоқда.
Изоҳ (0)