Meizu М6s смартфони тақдим этилди: компания янги форматга ўтди

Meizu компанияси Пекинда ўзининг янги — тўлиқ экранли дизайн ва mTouch тугмасисиз смартфонини тақдим этди, деб хабар берди Hi-Tech.Mail.Ru.

Meizu вице-президенти Ли Нан 2017 йилнинг баҳорида компания «ҳошиясиз» смартфон ишлаб чиқаришни режалаштирмаётганини маълум қилганди. Компания ҳатто умуман ҳошияси йўқ мблу ZERO смартфонини тақдим этганди, аммо у 2018 йилнинг флагманига айланиши кутилмоқда. Meizu М6s эса янги ва эски смартфон ўртасидаги қурилма бўлиб хизмат қилиши керак.

Meizu М6s’ни орқа тарафидан компаниянинг бошқа смартфонларидан фарқлаш қийин.

Қурилма томонлар нисбати 18:9 бўлган 5,7 дюймли дисплей билан жиҳозланган ва ҳошиялари ҳам компаниянинг ўзидан олдинги смартфонлариникидан кичикроқ. Шу сабабли бармоқ изи сканери вазифасини бажарувчи mTouch тугмасидан воз кечилди.

Meizu яна Samsung процессорларидан — Exynos 7872’дан фойдаланишга қарор қилди. Олти ядроли чип 14 нанометрли техпроцессор базасида ишлайди. Асосий камераси 16 мегапикселлга, фронтал камераси эса 8 мегапикселлга тенг.

Тезкор хотираси 3 гигабайт, ичи хотираси эса 32 ёки 64 гигабайтга тенг бўладиган қурилма Android 7 Nougat операцион тизимида ишлайди. Аккумулятор сиғими эса 3000 мА/соатни ташкил этади.