Обрўли инсайдер Эван Бласс Интернетда Samsung Galaxy S9 флагман смартфони расмий тақдимотининг тахминий санасини эълон қилди, деб ёзади «Корреспондент.net». Блогернинг сўзларига кўра, гаджет 26 февраль куни Барселонадаги MWC 2018 кўргазмаси доирасида тақдим этилади.
Блогер, шунингдек, қурилмага олдиндан буюртмалар 1 март куни очилиши, 16 мартдан эса смартфон дўконларда пайдо бўлиши мумкинлигини айтди.
Шу билан бир вақтда Бразилия алоқа агентлиги ҳужжатларни эълон қилди, уларда гап қурилма аккумулятори сиғими ҳақида боради. Компания маълумотларига кўра, Galaxy S9 линейкасидаги кичик версия 3000 мА/соат, каттаси эса 3500 мА/соат сиғимга эга бўлади.
Смартфоннинг ташқи кўриниши аввалги моделлардан тубдан фарқ қилмайди. Фақат бармоқ изи сканерининг жойлашуви ўзгаради, холос — у энди камера модулидан пастда бўлади.
Шунингдек, смартфоннинг катта модели қўш камера билан жиҳозланади, унда иккинчи модул тасвирни икки карра оптик катталаштириш учун ишлатилади.
Изоҳ (0)