2017 йилда МДҲ мамлакатлари ва бошқа хорижий давлатлардан 276 нафар ёшлар Ўзбекистон олий таълим муассасаларига қабул қилинди. Давлат статистика қўмитаси ахборотига кўра, ушбу кўрсаткич 2016/2017-ўқув йилига нисбатан 126 нафарга кўпайди.
Жорий ўқув йилида талабаликка қабул қилинганларнинг асосий қисмини Мустақил Давлатлар Ҳамдўстлиги мамлакатлари, хусусан Туркманистон (120 нафар), Россия (56 нафар), Қозоғистон (42 нафар) фуқаролари ташкил этди.
Маълумот учун, 2017/2018-ўқув йили бошида Ўзбекистон олий таълим муассасаларида ўқиётган талабалар сони 297 689 нафар бўлган.
Бугунги кунда Ўзбекистон олий таълим муассасаларида чет эл мамлакатларидан жами 709 нафар талаба таълим олмоқда. Улардан 98 нафари узоқ хориж давлатлари фуқароларидир.
Изоҳ (0)