Ўтган йилдан кўра қийинроқ бўладиган 2018 йил, Мирзиёевнинг жанубий вилоятларга бўлажак сафари, Ислом Каримов юбилейига тайёргарлик ва куннинг бошқа муҳим хабарлари

17 январнинг эътиборга молик янгиликлари — «Дарё»нинг кечки дайжестида.

1. Шавкат Мирзиёев 19 январь куни Сурхондарёга ташриф буюради. Шунингдек, Президент Қашқадарёдаги Ислом Каримов ҳайкали очилишида ҳам қатнашишини маълум қилган.

2. Ислом Каримовнинг Қашқадарёдаги ҳайкали 24 январь куни очилади. Бундан ташқари, Биринчи Президентни хотирлаб, Самарқанднинг барча туманларида эҳсон оши берилади.

3. Содиқ Сафоев: «Бу йил ўтган йилдан қийинроқ бўлади». Бу йил энергия манбалари нархини бозор нархларига мувофиқлаштириш режалаштирилмоқда, бу эса бошқа соҳаларда нархларнинг кўтарилишига олиб келади.

4. Ўзбекистон олтин-валюта захираси ҳажми 26,6 млрд долларни ташкил этди. Илк бор олтин-валюта захираси ҳақидаги маълумот 2017 йил ноябрида расман эълон қилинган, унинг ҳажми куз бошидан 750 миллион долларга кўпайиб, 26 миллиард долларни ташкил этгани билдирилганди.

5. 25 январь куни Ўзбекистон футбол федерацияси раҳбариятида ўзгариш юз бериши мумкин. Куни кеча ЎФФ президенти Умид Аҳмаджонов Миллий олимпия қўмитаси раҳбарига айланган эди.