КХДР Жанубий Кореяни мамлакат ҳудудида АҚШ билан ҳамкорликда ўтказиладиган ҳарбий манёврлардан тамомила воз кечишга чорлади, деб хабар беради «ТАСС».
«Мулоқот ва уруш репетицияси параллель равишда олиб борилиши мумкин эмас. АҚШ ва Жанубий Корея ҳарбий манёврларни ортга суриши эмас, улардан батамом воз кечиши керак», — дейилади хабарда.
Аввалроқ Сеул ва Вашингтон ҳар йили ўтказиладиган барча турдаги қўшинлар иштирокидаги Foal Eagle манёври ва Key Resolve қўмондонлик-штаб машғулотларини кейинроққа қолдиргани ҳақида маълум қилинган эди.
Мазкур ҳарбий ҳаракатлар одатда Олимпия ва Паралимпия ўйинлари ўтказиладиган февраль-март ойларида ўтказилар эди.
Олимпиада Жанубий Кореянинг КХДР чегарасидан 80 километр узоқликда жойлашган Пхёнчхан уездида 9—25 февраль кунлари, паралимпиада эса 9—19 март кунлари бўлиб ўтади.
Пхеньян АҚШ — Жанубий Корея ҳарбий манёврларини КХДР иттифоқдошларига қарши ҳужум репетицияси деб ҳисоблайди.
Сўнгги йилларда Foal Eagle манёврларида 200 мингдан 300 минг нафаргача ҳарбий хизматчилар иштирок этиб, уларга Америка стратегик қуроллари жалб қилинмоқда.
Изоҳ (0)