Фаол тадбиркорлик, инновацион ғоялар ва технологияларни қўллаб-қувватлаш йили деб эълон қилинган 2018 йилги Давлат дастури лойиҳаси жамоатчилик муҳокамасига қўйилди, деб ёзади «Газета.uz». 15 январга қадар давом этадиган муҳокамада барча истовчилар иштирок этиши мумкин.
237 та банддан иборат Давлат дастури лойиҳаси Ўзбекистон Республикаси Президентининг 2017 йилнинг 22 декабрь куни Олий Мажлисга тадқим этган мурожаатномасида кўрсатилган асосий ғоя ва таклифлари ҳамда 2017–2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган асосий вазифаларни инобатга олган ҳолда ишлаб чиқилди.
Умумхалқ муҳокамаси якунлари ва келиб тушган таклифларга кўра, 20 январга қадар Давлат дастурининг тўлиқ лойиҳаси тайёрланади. Фуқароларда мамлакат келажагига таъсир ўтказиш бўйича реал имконият мавжуд, дейилади хабарда.
Изоҳ (0)