Президент Шавкат Мирзииёев «Ўзбекистон Республикаси мудофаа доктринаси тўғрисида»ги қонунни имзолади. Бу ҳақда «Газета.uz» хабар бермоқда.
Доктринада Ўзбекистоннинг мудофаа соҳасидаги сиёсати, Қуролли кучлар вазифалари, мамлакатни ҳарбий-иқтисодий таъминоти асослари, жумладан, ҳарбий-саноат комплекси ривожланишининг истиқболли йўналишлари белгиланган.
Ҳужжатда дунё ва минтақада вазиятнинг ривожланиш динамикаси, юзага келаётган таҳдид ва чақириқлар инобатга олинган.
Янги мудофаа доктринаси Ўзбекистон ташқи сиёсатининг очиқлиги, яқин қўшнилар билан мустаҳкам алоқаларнинг устуворлигини намойиш этади, шунингдек, мамлакат мудофаа сиёсати шаффофлиги, хорижий давлатлар билан хавфсизлик ва мудофаа соҳасидаги муносабатлар самарадорлигини таъминлайди.
Изоҳ (0)