Мисрнинг Луксор шаҳрида ҳаво шарининг қулаши оқибатида бир нафар сайёҳ ҳалок бўлди, 15 киши эса жароҳат олди. Бу ҳақда «Интерфакс» хабар берди.
Ёмон об-ҳаво сабабли шар одатий режимда қўна олмаган. Ҳаво шарига эгалик қилувчи компания текширувдан ўтган ва парвозга рухсат олган эди. Луксорда жами саккизта компания ҳаво шарларида сайёҳлар учун парвозлар ташкил қилади. Ҳар куни 12 тадан 18 тагача саёҳат амалга оширилади.
Луксорда 2013 йилда юз берган ҳаво шарининг ҳалокати оқибатида 19 нафар осиёлик сайёҳ ҳалок бўлган. Шундан сўнг бир неча ой давомида ҳаво шарларидаги саёҳатлар чекланган. Сўнгги вақтларда эса бундай саёҳатлар яна қайта бошланган.
Изоҳ (0)