LG Electronics (LG) HERETechnologies (HERE) компанияси билан ҳамкорлик ҳақида маълум қилди, у рақамли картография хизматлари ва жойлашиш ерини аниқлаш сервисларини автоматик бошқарилувчи транспорт воситалари учун келажак телематик технологиясини яратиш мақсадидаги жаҳон етказиб берувчиси саналади. Ишланма LG’нинг юқори аниқликдаги картографик маълумотлари ва жойлашув ерини аниқлаш хизматларига эга HERE Open Location Platform платформаси негизидаги яхшиланган телематика технологиясини уйғунлаштиради. Компаниялар режалаштирилаётган ҳамкорлик ёрдамида бутун дунёдаги автомобиль ишлаб чиқарувчиларини юқори автоматлаштирилган ва бутунлай автоном автомобиллар учун ишончли маълумот алмашиш маркази билан қўллаб-қувватлашга ҳаракат қиладилар.
Телематика – бу телекоммуникация воситалари ҳамда информатикани уларни кўнгилочар сервислар ва транспорт воситалари хавфсизлигини таъминлаш ускуналарида қўллаш учун боғлайди (навигация, жойлашувни тасдиқлаш, фавқулодда вазиятларнинг диспетчерлик хизмати ва бошқалар), улар турли техник алоқа воситалари орқали ишлайди: GPS ва DMB тармоқларидан (Digital Multimedia Broadcasting – рақамли мультимедия узатуви шакли) то Bluetooth, Wi-Fi ҳамда мобил алоқагача. 2013 йилдан бери LG компанияси қайта ишлаш ва маълумотларни бериш интеграцияланган воситалари жаҳон бозорида етакчи ҳисобланиб, юқори аниқликдаги картографик маълумотни таклиф этувчи илғор ечимларни татбиқ этишга уринмоқда. Бу автоном транспорт воситаларининг тез ривожланаётган саноати эҳтиёжларини қаноатлантириш учун керак.
HERE автомобиль саноати учун картографик маълумотлар ва жойлашувни аниқлаш бўйича хизматларнинг жаҳондаги етакчи етказиб берувчисидир. Бугунги кунда 100 миллиондан ортиқ автомобиллар HERE технологиясидан фойдаланган ҳолда бошқарилади. Компания HDLiveМаp хариталарни ишлаб чиқиш бўйича автомобиль ишлаб чиқарувчилари билан ҳам ҳамкорлик қилади. Улар – юқори аниқликдаги булутли картографик сервис бўлиб, ҳайдовчига кўмак кўрсатиш АDAS (Advanced Driver Assistance Systems) замонавий тизимининг уланганлиги билан қўллаб-қувватланади ҳамда бошқарув учун автоматлаштирилган ечимларга эга. LG автомобиль саноати учун қўшма маҳсулотда фойдаланишни мўлжаллаган HDLiveМаp харитаси йўллар ва атрофдаги объектлар: йўл белгилари, бекатлар кўрсаткичлари, пиёдалар ўтиш йўлаклари, тезликни чеклаш белгилари ҳамда светофорларни аниқлай олади. HERE интеллектуал ишланмалари муҳимлиги ва компания салоҳияти шуни таъкидлайдики, 2015 йилда жаҳон автомобиль ишлаб чиқарувчилари консорциуми — Audi, BMW ва Daimler – HERE’ни харид қилди. Ўшандан бери бошқа технологик соҳалардан бўлган компаниялар ҳам HERE инвесторларига айланишди.
Телематик технологиялар ривожлангани сари муҳим ўринни тута бошлаб, ҳайдовчисиз транспорт воситаларининг коммуникацион марказига айланади. Биринчи навбатда, АDAS тизимидаги автомобилда ўрнатилган датчиклар камералар, радар ҳамда лидардан иборат бўлиб, атроф-муҳитни сканердан ўтказади ҳамда булутга олинган маълумотларни, шунингдек, V2Х (Vehicle-to-Everything — «автомобиль – атроф-муҳит») технологияси ёрдамида йиғилган ва яқин орадаги транспорт воситалари ҳақидаги ахборотни жўнатади. Барча йиғилган маълумот бир неча марта таҳлил қилинади ва транспорт воситаларининг телематик тизимларига, бошқарув ҳақида шахсий маълумотни тақдим этиш учун берилади.
LG телематик ечимлари GPS дан Bluetooth, Wi-Fi ва мобил алоқага қадар бўлган турли коммуникация технологияларини қўллаб-қувватлайди. LG муҳандислари 5G учун маҳсулотларни ишлаб чиқиш устида жиддий ишлашмоқда, улар LTE стандартидан тўрт-беш баробарга тезроқ, кутиш вақти 90 фоизга қисқарган ҳолда бўлади, ҳамда келажак автомобилларининг автоном ишлаши учун идеал тарзда мос тушади.
»Биз HERE билан ҳамкорликда мобил алоқанинг автоном ечимлари бўйича янги стандартни тақдим этишдан хурсандмиз, унда автомобилни бошқаришга кўмак кўрсатиш бўйича ҳайратланарли илғор технология мавжуд. LG HERE каби шериклар билан тармоқли имкониятларга эга автомобиллар учун технологияларнинг янги авлодини яратиши мумкин, у автомобиль ишлаб чиқарувчиларига ҳайдовчисиз бошқарув даврини яқинлаштиришда ёрдам беради», — дея таъкидлаб ўтди LG Vehicle Components компанияси президенти ЛиВу-жонг.
HERE Technologies компаниясининг Осиё-Тинч океани минтақаси мамлакатларидаги иш бўйича вице-президенти Мун Ли (МооnLее) шундай дейди: «Автоном транспорт воситаларига хавфсиз ва самарали ишлаш учун турли ишончли маълумотлар манбалари ва кучли техник алоқа воситалари керак. Биз шунга ишонамизки, Оpen Location Platform платформасида ишлайдиган бизнинг сервислар ҳайдовчисиз транспорт воситалари учун келажакнинг телематик технологияларида ҳал қилувчи ўрин тутади. Биз бу ҳақиқатга айланиши учун LG компанияси билан ҳамкорлик қилишдан мамнунмиз‘.
LG Electronics, Inc. компанияси ҳақида
LGElectronics, Inc. (KSЕ: 066570.KS) юқори технологияли электроника, замонавий мобил алоқа воситалари ва маиший техника инновацияси ҳамда ишлаб чиқарилиши соҳасида жаҳон етакчиси саналади. Бутун дунё бўйлаб компанияда 125 филиалда 77 000 киши ишлайди. LG компанияси тўрт бўлинмадан иборат: Home Appliance & Air Solution, Mobile Communications, Home Entertainment ва Vehicle Components, уларнинг 2016 йилдаги жаҳон савдолари умумий ҳажми 47,9 миллиард АҚШ долларини ташкил этди. LG Electronics ясси панелли телевизорлар, мобил телефонлар, ҳаво кондиционерлари, кир ювиш машиналари ва музлатгичларни ишлаб чиқариш бўйича жаҳондаги энг етакчилардан бири саналади. Шунингдек, LG Electronics 2016 ENERGY STAR Partner of the Year мукофоти лауреатидир. Қўшимча маълумот учун www.LGnewsroom.com сайтига киришингиз мумкин.
HERETechnologies компанияси ҳақида.
HERE компанияси Оpen Location Platform билан одамлар, корхоналар ва шаҳарларга жойлашув ери кучидан фойдаланиш имконини беради. Биз мижозларимизга дунёни англашни жойлашув ери орқали амалга ошириш имкониятини бериб, улар яхшироқ натижаларга эришишини хоҳлаймиз – шаҳарга ўз инфратузилмасини бошқаришда ёрдам кўрсатиш ёки корхоналарга ўз активларини фаоллаштириш орқали ҳайдовчиларни етиб бориш ерига хавфсиз йўналтириш учун. Платформанинг булутли сервислари янги авлоди ҳақида кўпроқ маълумотни 360.here.com ва www.here.com сайтидан олиш мумкин.
Реклама ҳуқуқи асосида!
Изоҳ (0)