АҚШда отишмада қолиб кетиши мумкин бўлган мактаб ўқитувчилари учун оммавий отишма симулятори яратилди. Симулятор Миллий хавфсизлик департаменти ва АҚШ армияси томонидан ишлаб чиқилган. Бу ҳақда «Корреспондент.net» хабар берди.
Симулятор Unreal Engine ўйин платформасида яратилган бўлиб, Enhanced Dynamic Geo-Social Environment деб номланади.
Хабар берилишича, яратувчилар симуляторни ҳақиқий реалликка яқинлаштириш мақсадида «Сенди-Хук» бошланғич мактабида юз берган оммавий қотилликнинг аудио ёзувларини эшитган.
Шунингдек, яратувчилар зарур деталларни тўплаш мақсадида ҳодиса қурбонларидан бири билан гаплашган.
Иштирокчилар симуляциядан ўтиш вақтида тўсиқлар қуриш ва эшикларни блоклаш бўйича ёрдам олади.
Изоҳ (0)