Тошкент мотоклублари аъзолари пойтахт аҳолисига Янги йилга ўзига хос совға тақдим этишга қарор қилди. Бу ҳақда «Новости Узбекистана» хабар бермоқда.
V-Twin Uzbekistan RC мотоклуби мотоциклчилари «Тошкентда қорбоболар» байрам акциясини уюштирди. Кўплаб мотоциклчилар қорбобо костюмида шаҳар кўчаларига чиқди.
31 декабрь куни соат 11:30 да мотоциклли қорбоболар «Авиатор» супермаркети автомобиль бекатидан ҳаракатланишни бошлади. Улар Яшнобод, Юнусобод, Шайхонтоҳур, Чилонзор ва Миробод туманларидан ўтиб, Форумлар саройида акцияни якунлади.
Изоҳ (0)