Россия Давлат думасининг хавфсизлик ва коррупцияга қарши курашиш қўмитаси аъзоси Адалби Шхагошев ИШИД террорчилик ташкилоти Сурияда енгилганидан сўнг, «ҳар қандай теракт остига ўз имзосини қўйишга тайёр» эканлигини таъкидлаб ўтди, деб хабар беради «Газета.ru».
«Бу ҳозирда улар учун рекламадек жуда зарур. ИШИД айни вақтда, терактлар қаерда содир бўлишидан қатъи назар, улар остига ўз дастхатини қўйиш га тайёр», — деди Шхагошев.
Унинг маълум қилишича, Россия ҳуқуқ-тартибот ходимлари Санкт-Петербургда юз берган портлаш ташкилотчиларини фош этиши муҳим аҳамиятга эга.
Шхагошевнинг сўзларига кўра, «теракт бўйича масъулиятни ўз бўйнига олганларнинг келажакда бу каби жиноятни қилишга имкони бўлмаслиги учун баҳо беришда максимал даражада аниқлик керак».
Аввалроқ, ИШИД Санкт-Петербургдаги «Перекрёсток» супермаркетида юз берган портлаш бўйича жавобгарликни ўз зиммасига олгани ҳақида хабар берилган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)