Ўзбекистонда ички туризмни ривожлантириш учун тақвимга узун дам олиш кунлари тизими (Golden Week) киритилди, деб ёзади Ўзбекистон туризмни ривожлантириш давлат қўмитаси.
Шавкат Мирзиёев 28 декабрь куни «2018 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида»ги фармонни имзолаган эди.
Фармон мамлакат фуқароларига саёҳат қилиш ҳамда бой маданий-тарихий мерос ва ўзига хос табиий ресурслар билан танишиш учун қўшимча имкониятлар беради, дейилади хабарда.
Ҳужжатда кўзда тутилган уч, тўрт ва беш кунлик дам олиш кунларида мамлакат бўйлаб туристик саёҳатларни ташкиллаштириш мақсадида Туризмни ривожлантириш давлат қўмитаси ва лицензияга эга компаниялар томонидан ички туризмнинг қўшимча саёҳатлари ва йўналишлари ташкил қилинади, шунингдек, транспорт ва меҳмонхона хизматлари учун чегирмалар тизими жорий этилади.
Изоҳ (0)