Hi-Tech.Mail.Ru экспертлар фикри бўйича 2017 йилда яратилган «энг нооргинал ва маънисиз» ихтиролар ҳақида маълумот тўплаб тақдим этди.
Йўловчи вертолёти
Uber 2020 йилга бориб Лос-Анжелесда учар таксилар хизмати ишга тушишини маълум қилди. Экспертларнинг фикрича, чиройли сўзлар ва видеога қарамай ушбу хизматдан фақатгина бой одамлар фойдаланиши мумкин бўлади. Бундан ташқари, ҳозирда Uber’нинг Нью-Йоркда вертолётлари мавжуд.
Почта қутиси
Amazon компанияси ҳар бир кўп қаватли уйда ўзининг пакетларига мўлжалланган почта қутилари бўлишини истамоқда. Бу анча қулайлик ва товарларнинг ўғирланишини олдини олган бўлар эди. Бироқ бу монополиядан дарак бермоқда.
Осмонўпар бино
Google «ётган ўсмонўпар бино»ни ўйлаб топди. Компания ўзининг Лондонда қурилаётган штаб-квартирасини шундай номлади (7000 минг ходимга мўлжалланган узунлиги 330 метр келадиган бино). Бироқ шаҳарга ҳозирда бошқа нарса керак. Бўш майдонлардан самарали фойдаланиш, ижара ҳақини камайтириш, жамоат транспорти самарадорлигини ошириш… Шунингдек, бинода горизонтал лифт ҳам бўлади. Иккита фойдасиз ихтиро биттада мужассам!
«Коммуналка»
18 миллиард долларга баҳоланган WeWork стартапи SpaceX’дан ҳам қимматроқ ҳисобланади. Бироқ Илон Маскнинг космик компаниясидан фарқли ўлароқ бунда ҳеч қандай янги ғоялар мавжуд эмас. Компания шунчаки ижара ҳақи кам бўлган уйда «биргаликда яшаш»ни тавсия қилмоқда. Реал ҳаётда бу каби «биргаликда яшаш»ни талабалар жуда яхши билади. Бир сўз билан айтганда — коммунизм ғояси.
Чойнак
Интернетга улана оладиган Тeforia чойнаклари ёпиқ экотизимдан фойдаланиб, компаниядан эксклюзив чойларни харид қила олади (у одатдаги чойлардан деярли фарқ қилмайди). 17 миллион доллар маблағ билан молиялаштирилган стартап ёпилиб кетди, 400 долларлик чойнаклар эса фойдаланувчиларнинг ёнида қолди.
Палатка
Odd Company компаниясининг Pause Pod офис палаткаси яратувчиларнинг фикрича, усбҳу «янгилик» ҳамкасблардан ва шовқиндан ҳоли ҳолатда дам олишга ёрдам беради. Аммо унинг оддий палаткадан фарқи — йўқ.
Савдо автомати
Bodega — смартфон дастурини қўллаб-қувватловчи савдо автомати. Ғояга кўра, у бирламчи эҳтиёж дўкончаларининг ўрнини эгаллаши керак эди. Бироқ тармоқ фойдаланувчилари «ихтиро»ни танқидлар остида қолдирди ва бунинг оқибатида ғоя муаллифлари жамоатчиликдан узр сўрашга мажбур бўлди.
Қўллар
Нархи 700 доллар турадиган Juicero шарбациққичи Wi-Fi’ни қўллаб-қувватлайди ва смартфон ёрдамида бошқарилади. Қурилмани синаб кўрган журналистларнинг айтишича, бу «ихтиро»нинг оддий шарбациққичлардан деярли фарқи йўқ, вақтни ҳам тежамайди. Шунга қарамай стартап 118,5 миллион доллар йиғишга муваффақ бўлган ва ёпилиб кетган.
Изоҳ (0)