Аввалроқ, 27 декабрь куни Санкт-Петербургдаги «Перекрёсток» савдо марказида портлаш юз бергани ҳақида хабар қилинганди. Даслатки маълумотларга кўра, портлаш оқибатида 10 киши жароҳат олган, улар орасида Ўзбекистон фуқароси ҳам бор, деб хабар берди Ташқи ишлар вазирлиги матбуот хизмати.
1957 йилда туғилган Ивриқул Алиқулов Александровский номидаги 17-сонли шаҳар касалхонасига етказилган ва у ерда жабрланганга тиббий ёрдам кўрсатилмоқда. Шифокорларнинг маълум қилишича, Алиқуловнинг аҳволи барқарор оғир, бироқ айни вақтда унинг ҳаётига ҳеч нима хавф солмаяпти.
ТИВ Консуллик бошқармаси ва Ўзбекистоннинг Россиядаги консул ходимлари Санкт-Петербург расмийлари билан алоқада бўлиб, жабрланганга зарур ёрдам кўрсатиш бўйича чоралар кўрмоқда.
Изоҳ (0)