АПЛ клублари Boxing day ўйинларида давом этади. Ҳозирча мавсум 20-турининг 8 та ўйинига якун ясалди.
«Сити»ни қувиш билан банд бўлган «Манчестер Юнайтед» футболчилари кетма-кет иккинчи ўйинда очко йўқотди. Бир тур аввал «Лестер»га қарши ўйинда ғалабани қўлдан чиқарган Моуриньо шогирдлари, бу сафар худди ўша ҳисобда «Бёрнли» билан дуранг ўйнади — 2:2. Златан Ибраҳимович беллашувни асосий таркибда бошлаганди. Ўтказиб юборилган 2 та голдан кейин иккинчи бўлимдаёқ швед футболчиси майдонда кўринмади. Унинг ўрнига туширилган Лингард эса «Юнайтед»ни қутқариб қолди.
Юрген Клопп бошқарувидаги «Ливерпуль» футболчилари бир тур аввал «Арсенал» билан очиқ футболда 3:3 ҳисобини қайд этганди. Бу сафар «мерсисайд» клуби «Суонси» дарвозасига жавобсиз 5 та гол уришни уддалади. Бу Клопп жамоасининг мавсум бошидан буён 10-йирик ғалабаси бўлди. Шуларнинг 3 таси Чемпионлар Лигасида қўлга киритилган.
«Тоттенҳэм» футболчилари Ҳарри Кейнни қаҳрамонга айлантириш учун майдонга тушиб, «Саутгемптон» устидан йирик ғалабага эришди. Почеттино жамоаси «Сити» майдонидаги йирик мағлубиятдан кейин, кетма-кет иккинчи йирик ғалабасини қўлга киритди. Мазкур ўйиндан кейин Ҳарри Кейн мавсумдаги хет-триклари сонини 8 тага етказиб олди ва бу борада 2017 йилнинг тенгсиз футболчиси бўлди.
Шунингдек, Лондоннинг «Челси» клуби жонига испан футболчилар оро кирди. Эллардайс билан мағлуб бўлмаётган «Эвертон» бу юришини давом эттирди. Манчестер клубларига қарши кечган кетма-кет икки ўйинда сўнгги дақиқада гол уриб, мағлубиятдан қутулиб қолган «Лестер» эса «Уотфорд» майдонида имкониятни бой берди.
Англия Премьер-Лигаси 20-тур беллашувлари 26 декабрь, сешанба
«Тоттенҳэм» — «Саутгемптон» 5:2
Голлар: Ҳарри Кейн, 22 (1:0). Ҳарри Кейн, 39 (2:0). Деле Алли, 49 (3:0). Сон Хён Мин, 51 (4:0). Софьян Буфаль, 64 (4:1). Ҳарри Кейн, 67 (5:1). Душан Тадич, 82 (5:2).«Челси» — «Брайтон» 2:0
Голлар: Альваро Мората, 46 (1:0). Маркос Алонсо, 60 (2:0).«Хаддерсфилд» — «Сток Сити» 1:1
Голлар: Томас Инс, 10 (1:0). Рамадан Собхи, 60 (1:1).«Уотфорд» — «Лестер» 2:1
Голлар: Риёд Махрез, 38 (0:1). Молла Ваге, 46+ (1:1). Каспер Шмейхель, 65-авт (2:1).«Манчестер Юнайтед» — «Бёрнли» 2:2
Голлар: Эшли Барнс, 3 (0:1). Стивен Дефур, 36 (0:2). Жесси Лингард, 53 (1:2). Жесси Лингард, 91+ (2:2).«Вест Бромвич» — «Эвертон» 0:0
«Борнмут» — «Вест Ҳэм» 3:3
Голлар: Жеймс Коллинз, 7 (0:1). Дэн Гослинг, 29 (1:1). Натан Аке, 57 (2:1). Марко Арнаутович, 82 (2:2). Марко Арнаутович, 89 (2:3). Каллум Уильсон, 91+ (3:3).«Ливерпуль» — «Суонси» 5:0
Голлар: Филиппе Коутиньо, 6 (1:0). Роберто Фирмино, 52 (2:0). Трент Александер-Арнольд, 65 (3:0). Роберто Фирмино, 66 (4:0). Алекс Окслейд-Чемберлен, 83 (5:0).27 декабрь, чоршанба«Ньюкасл» — «Манчестер Сити» 00:45
28 декабрь, пайшанба«Кристал Пэлас» — «Арсенал» 01:00
Изоҳ (0)