Ўзбекистон Республикаси Бош вазирининг ўринбосари – молия вазири Жамшид Қўчқоров Олий Мажлис Сенатининг ўн учинчи ялпи мажлисидаги маърузасида жорий йилда Ўзбекистон ялпи ички маҳсулоти ҳажми 5,5 фоизга ўсиши кутилаётганини маълум қилди. Бунда саноат маҳсулотлари ҳажми 5,7 фоиз, чакана савдо айланмаси 5,2 фоиз ўсиши прогноз қилинмоқда, деб хабар беради ЎзА.
2017 йилда товар ва хизматлар экспорти ҳажми 14,4 фоизга ўсиши ва йил якунига қадар 13,9 миллиард доллардан ортиқ бўлиши кутилмоқда. Бунда ижобий салдо 854 миллион долларни ташкил этади.
Вазирнинг сўзларига кўра, 2018 йилда миллий иқтисодиётнинг 5,9 фоизга ўсиши кутилмоқда. Прогнозларга кўра, келгуси йилда саноат маҳсулотлари ишлаб чиқариш 6,4 фоиз, қишлоқ хўжалик маҳсулотлари ишлаб чиқариш 4 фоиз, капитал қуйилмалар 6,5 фоиз, чакана савдо айланмаси 5,6 фоиз, хизмат кўрсатиш 7 фоизга ўсади.
Экспорт ҳажми 2018 йилда жорий йилдагидан 7,2 фоизга кўпайиб, 14,9 миллиард доллардан ортиқ бўлиши кутилмоқда.
Изоҳ (0)