18 декабрнинг эътиборга молик янгиликлари — «Дарё»нинг кечки дайжестида.
1. Хоразмда туғилган уч эгизакка Шавкат, Миромон ва Мирзиё исмлари берилди. Уч эгизак 22 ноябрь куни дунёга келган.
2. Самарқанд судида инсон ўлимига сабаб бўлган ҳайдовчиларга нисбатан ҳукм ўқилди. Ҳайдовчилар маълум муддатга ҳайдовчилик гувоҳномасидан маҳрум этилган ва шартли равишда озодликдан маҳрум этилган.
3. Тошкент вилоятининг қатор туманларида қурилиш учун ер майдони ажратиш тўхтатилди. Қарор Зангиота, Қибрай, Тошкент, Қуйи Чирчиқ, Ўрта Чирчиқ, Юқори Чирчиқ ва Янгийўл туманларига тааллуқли.
4. Тошкентда маҳаллийчиликка йўл қўйган фуқаролар жавобгарликка тортилди. Lexus ичида ўтирган икки киши вилоятлардан Тошкентга ишлаш учун келган икки фуқарога: «Бу ер тошкентликларнинг жойи, биз бу ерда солиқ тўлаймиз, сизлар келгиндилар», деб айтган.
5. Вадим Абрамов эътирозини ОАВ орқали билдириб, хато қилган. Айбини тан олса, ЎФФ уни кечириши мумкин. ЎФФ ҳакамлардан кейин мураббийларга етиб келди ва Вадим Абрамовни футболдан номаълум муддатга четлатди.
Изоҳ (0)