Россиянинг Владикавказ шаҳрида Осетияга футболни қайтариш лойиҳаси доирасида «Афсоналар учрашуви» ташкил қилинди, деб ёзди «Championat.asia» нашри. Мазкур шоу-учрашувга «Бунёдкор» бош мураббийи Миржалол Қосимов ҳам таклиф қилинганди.
12 мингдан зиёд футбол ишқибозлари кузатиб борган ўйинда «Спартак-Алания» фахрийлари Замонавий Осетия термасига қарши ўйинда майдонга тушди. Беллашув 5:5 ҳисобида ўз якунига етди. Унда шонли «Спартак-Алания» сафида ҳаракат қилган Миржалол Қосимов, ўзининг машҳур чап оёғида берган зарбаси билан ҳисобни очишга муваффақ бўлган.
Владикавказ халқи футбол бўлишига муносиб. Олдинги вақтлар қайтиши учун қўлдан келганича ишлар қилинмоқда. Осетия халқи футбол билан яшайди, бу ерда кўплаб иқтидорли футболчилар бор. Шаҳарга футболни қайтариш учун ўз ҳиссамизни қўшиш учун атайин келгандик.Миржалол Қосимов, «Бунёдкор» бош мураббийи
Миржалол Қосимов 1992 йилда ҳамда 1994—1996 йилги мавсумларда «Спартак-Алания» сафида тўп сурган. Валерий Газзев раҳбарлик қилган бу жамоа 1995 йил Россия чемпионлигини қўлга киритганди.
Изоҳ (0)