Тошкент шаҳар божхона бошқармасининг «Чуқурсой техник идора» чегара божхона пости ходимлари республика транспорт прокуратураси ходимлари билан ҳамкорликда Хитойдан масъулияти чекланган жамият номига келган контейнерни кўздан кечирди, деб хабар беради божхона қўмитаси ахборот хизмати.
Кўздан кечириш жараёнида мазкур контейнерда йўл-юк ҳужжатларида қайд этилган умумий қиймати салкам 7000 АҚШ долларини ташкил этувчи, вазни 26 тоннадан ортиқ «Пол учун қоплама» товари ўрнига юк кузатув ҳужжатларида умуман кўрсатилмаган турли хил кийим-кечак, косметика ва парфюмерия маҳсулотлари юкланганлиги маълум бўлди.
Далилий ашё сифатида вақтинча олиб қўйилган товар моддий бойликларнинг умумий қиймати дастлабки ҳисоб-китобларга кўра 2 миллиард 100 миллион сўмдан ортиқни ташкил этди.
Ҳозирда мазкур ҳолат юзасидан божхона текширувлари ва суриштирув ҳаракатлари давом эттирилмоқда.
Изоҳ (0)