Навоий вилояти Кармана туманидаги Варқ массивида 2012—2013 йилларда намунавий лойиҳалар асосида 180 та турар-жой қуриб битказилган. Бу уйларда аҳоли бор-йўғи 4—5 йилдан буён яшаётган бўлса-да, деворлари нураб, поллари чўкиб бўлган, дея хабар бермоқда Ўзбекистон Миллий агентлиги (ЎзА).
«Мазкур турар жойлар ўз вақтида сифат назоратидан тўлақонли ўтказилганида бугунгидай аҳвол рўй бермас эди. Шунингдек, уйлар ёнидан ўтган зовур қамишзорга айлангани боис ерости сизот сувлари оқишга ўзан тополмай, исталган жойни ўпириб чиқмоқда. Уй эгалари кредит тўлаш ва тобора харобага айланаётган уй-жойини таъмирлашдан орттириб, зовур тозалашу махсус қудуқлар қаздиришга имкон тополмаяпти. Бу уйларнинг аҳволи тўғрисида оммавий ахборот воситаларида ёритилган бўлса-да, афсус, мутасаддилар ҳамон жим», — деб ёзади ЎзА.
Иситиш тизими ҳам талабга жавоб бермайди. Қозонхонани алмаштириб, қувурларни қайта улаб, иситишни йўлга қўйдик. Бироқ, қурилиш ишлари сифатсиз бажарилгани, хусусан, цемент ўрнига тупроқ ишлатилгани боис деворлар «тегма, тўкиламан», деб турибди.Баҳриддин Тошпўлатов, массивда истиқомат қилувчи фуқаро
Изоҳ (0)