Фарғона вилояти туман ва шаҳарларидаги тез тиббий ёрдам муассасаларига Hyundai русумли 12 та замонавий реанимобиль топширилди. Бу ҳақда ЎзА хабар бермоқда.
Шу муносабат билан ташкил этилган тадбирда мамлакатда соғлиқни сақлаш тизимининг барча бўғини, хусусан, шошилинч тиббий ёрдам фаолиятини такомиллаштиришга йўналтирилган чора-тадбирлар аҳоли саломатлигини асрашда муҳим омил бўлаётгани таъкидланди.
—Махсус жиҳозланган реанимобиллар шошилинч тиббий ёрдам хизмати самарадорлигини оширишда муҳим аҳамият касб этади, — дейди вилоят соғлиқни сақлаш бошқармаси бошлиғи Одилжон Умаров. — Ҳудудлардаги шошилинч тиббий ёрдам бўлимларининг моддий-техник базаси мустаҳкамланаётгани айниқса, олис қишлоқлар аҳолисига ўз вақтида, сифатли тез тиббий ёрдам кўрсатиш имкониятини янада кенгайтирмоқда.
Изоҳ (0)