13 декабрнинг эътиборга молик янгиликлари — «Дарё»нинг кечки дайжестида.
1. Қирғизистон президенти Сўранбай Жээнбеков Ўзбекистонга келди. Ва Шавкат Мирзиёевга «Данакер» орденини топширди. Ташрифга оид бошқа хабарлар — бу ерда.
2. Шавкат Мирзиёев кадастр ҳужжати йўқ уй-жой ва ерларни тўлиқ рўйхатга олиш ҳақида кўрсатма берди. Президент «Ергеодезкадастр» давлат қўмитаси раҳбариятини қаттиқ танқид қилди.
3. «Исроил — террорчи давлат!». Эрдўғон Қуддусни Фаластин пойтахтига айлантиришни таклиф қилди. Масалан, Москва Эрдўғоннинг бу фикрларига қўшилмаслигини маълум қилди.
4. Халқаро меҳнат ташкилоти: Ўзбекистон пахта далаларида болалар меҳнатига чек қўйилди. Экспертлар хулосаларига кўра, мажбурий меҳнатга жалб қилиш, айниқса, болалар ҳақида гап кетганида, бунинг номақбул эканлигини англаш ўсмоқда.
5. Қамоқдан озод этилган тадбиркор Олим Сулаймонов президентга миннатдорчилик билдирди. У 2017 йил мартида 37 ойга озодликдан маҳрум этилган эди.
Бонусига: Боксчи Шоҳжаҳон Эргашев кўча безориси эмас. У қўли синиб кетганида ҳам ўз жангида ютиб чиққанди. «Дарё»да янги видеолойиҳа — Persona.
Изоҳ (0)