Люксембург Евроиттифоқнинг камситиш энг кенг тарқалган мамлакатлар рўйхатида етакчилик қилмоқда. Бу ҳақда тузилманинг Асосий ҳуқуқлар бўйича агентлиги (FRA) маълум қилди, деб хабар беради «Коммерсант.ru».
FRA тузган рейтингда иккинчи ўринни Финляндия, учинчи ўринни эса Австрия эгаллади. Тўртинчи ўринда Дания қайд этилди, бешликни Швеция якунлаб берди.
Тадқиқотда 25 мингдан ортиқ тасодифий танланган биринчи ва иккинчи авлод муҳожирлари иштирок этди.
«Евроиттифоқ дискриминацияни тақиқлаганига 17 йил бўлди, бироқ бу ҳолат ҳозиргача давом этмоқда. Муҳожирлар, уларнинг болалари ва этник озчиликлар кўплаб соҳалар, хусусан, меҳнат фаолиятида кенг тарқалган камситишни ҳис этиб келмоқда», — деди мазкур рейтингга изоҳ берган FRA директори Майкл О’Флаэрти.