Миср президенти Абдул Фаттоҳ ас-Сисий АҚШ президенти Дональд Трампга АҚШнинг Исроилдаги элчихонасини Тель-Авивдан Қуддусга кўчириш ҳақидаги қарор Яқин Шарқдаги вазиятни тинч йўл билан тартибга солиш асосини барбод қилиши мумкинлигини айтди, деб ёзади «Интерфакс».
Қуддуснинг Исроил пойтахти деб тан олиниши ҳақидаги мавзу кўтарилган телефон суҳбатида ас-Сисий «Яқин Шарқда тинчлик ўрнатиш имкониятларидан маҳрум қилувчи» чораларни кўриш керак эмаслигини таъкидлади.
«Президент Мисрнинг Қуддуснинг ҳуқуқий мақомини халқаро эътироф ва БМТнинг тегишли резолюциялари доирасида сақлаб қолиш ҳақидаги позициясини тасдиқлади», — дейилади Қоҳирадаги Миср президенти маъмурияти тарқатган хабарда.
Изоҳ (0)