Обама 2017 йилда энг кўп «лайк» тўплаган твит муаллифига айланди

2017 йилда энг кўп «лайк» йиғган твит АҚШнинг 44-президенти Барак Обаманики бўлди, деб ёзади «РБК» Twitter компанияси тақдим этган маълумотларга таяниб.

Обаманинг 13 августдаги пости қарийб 4,6 миллионта «лайк» тўплади, 1,7 миллиондан ортиқ марта «ретвит» қилинди.

Қайд Виржиния штатида, АҚШдаги фуқаролар уруши қатнашчилари хотирасига ўрнатилган ёдгорликларни бузишга қарши намойиш иштирокчиларини «оқ миллатчилик»да айблашган бир пайтда ёзилган эди.

«Ҳеч ким бошқа одамга нисбатан унинг териси ранги, келиб чиқиши ёки дини туфайли нафрат билан туғилмайди. Одамлар нафратланишни ўрганиши керак, агар улар нафратланишни ўргана олса, демак уларни севишга ҳам ўргатиш мумкин, чунки севги одам юраги учун унинг аксидан кўра, табиийроқ туйғудир — Нельсон Мандела», — деб ёзганди собиқ президент учта твитга бўлинган хабарида.

Сайловларда Twitter’дан фаол тарзда фойдаланган Дональд Трамп эса на «лайк»лар, на «ретвит»лар бўйича юқори ўнликка кирди.

"No one is born hating another person because of the color of his skin or his background or his religion..." pic.twitter.com/InZ58zkoAm

— Barack Obama (@BarackObama) August 13, 2017