Агар АҚШ президенти Дональд Трамп Қуддус расман Исроил пойтахти деб тан олинишини эълон қилса, бу Фаластин-Исроил низоси учун «ўлим бўсаси»га айланади. Бундай фикрни Фаластин президентининг стратегик масалалар бўйича маслаҳатчиси, Фаластинни озод қилиш ташкилотининг Вашингтондаги расмий вакили Ҳусам Зомлот маълум қилди, деб ёзади «РБК».
«Агар шундай қадам қўйилса, бу ҳалокатли оқибатларни келтириб чиқаради», — деди Зомлот Фаластин-Исроил низосида «Қуддус асосий масала» эканлигини таъкидлар экан.
Америка томони Қуддусни Исроил пойтахти деб тан олса, АҚШнинг ушбу низодаги воситачи ролига «орқага қайтариб бўлмайдиган даражада» путур етишини қўшиб қўйди. Фаластин президенти маслаҳатчиси Вашингтон шу тариқа «ечимнинг эмас, муаммонинг бир бўлагига айланиши»ни таъкидлади.
Изоҳ (0)