Samsung компанияси Galaxy S8 ва S8+ флагманларининг арзон версияларига айланадиган Galaxy А8 ва А8+ смартфонлари тақдимотига тайёргарлик кўрмоқда, деб ёзади Hi-Tech Mail.Ru.
Афтидан Samsung Galaxy А арзон смартфонлар линейкаси модель қаторини ўзгартирмоқчи. 2017 йилда у Galaxy A3, A5 ва A7 моделларидан иборат бўлди. Келаси йил линейкасида A7 ўрнига иккита Galaxy А8 ва А8+ смартфонлари чиқади. Бу Galaxy S8 ва S8+ флагман линейкасидаги изчиллик бўйича яратилмоқда шекилли.
Тарқалган суратларга кўра, Galaxy А8+ 6 дюймли ва жуда ингичка ромли дисплейга эга бўлади. Шунингдек, унга қўш олд камера ўрнатилиши мумкин.
Galaxy А8 ни орқа панелга қараб Galaxy S8 дан фарқлаш осон. Смартфонда бармоқ изи сканери жойлашуви ўзгаради, у камера модули пастига кўчади.
Смартфонлар хусусиятлари ҳозирча маълум эмас. Тақдимот Galaxy А 2017 линейкасиники каби январда бўлиб ўтиши мумкин.
Изоҳ (0)