30 ноябрь куни Афғонистоннинг Мозори-Шариф шаҳрида «Ўзтрейд» шоуруми тантанали тарзда очилди, деб ёзади «Газета.uz». У ерда Ўзбекистон корхоналарининг кенг турдаги маҳсулотларини сотиб олиш мумкин.
«Ўзтрейд Мозори Шариф» савдо уйи базасида ишлайдиган шоурумда озиқ-овқат маҳсулотлари, қандолат маҳсулотлари, электр техникаси маҳсулотлари, тўқимачилик буюмлари, гиламлар ва бошқа маҳсулотлар тақдим этилган.
Айни пайтгача «Ўзтрейд» афғонистонлик ҳамкорлар билан 29 миллион долларлик шартномалар имзолаган. Ушбу шартномалар бўйича 17,5 миллион долларлик буғдой, 16 минг долларлик цемент ва 2 минг долларлик полипропилен халталар етказиб берилган.
Изоҳ (0)