Тошкент вилоятининг Янгийўл туманида умумий қиймати 8 миллион сўм бўлган буюмлар ва пул ўғирланди. Бу ҳақда UzNews хабар бермоқда.
ИИБ ходимларига кўра, 7 та узук, тилла занжир ва 390 минг сўм ўғирланган. Тергов ҳаракатлари натижасида ўғрилар Янгийўл туманида яшовчи Автотранспорт ва хизмат кўрсатиш касб-ҳунар коллежи 1-босқич ўқувчилари эканлиги аниқланди.
Улар дарсдан қочиб, коллеж орқа томонидан девордан ошиб ўтган ва ўқув юртидан чиқиб кетган. Ўқувчилар жабрланувчи эшигини тақиллатиб, уйда ҳеч ким йўқлигига ишонч ҳосил қилгач, ўғирликни амалга оширган.
Ҳозирда уларнинг бошқа жиноятларга алоқадорлиги текширилмоқда.
Изоҳ (0)