Ўзбекистон Президенти Шавкат Мирзиёев 15 ноябрь куни бўлиб ўтган видеоселектор йиғилишида октябрь ойи бошида Тошкент юридик коллежида бўлиб ўтган қонли ҳодиса ҳақида тўхталиб ўтган эди.
Президент аслида қонун ҳимоячиларини тайёрлайдиган таълим муассасаси ўқувчилари ёнида очиқдан очиқ пичоқ олиб юргани ва бу восита ёрдамида ноқонуний хатти-ҳаракатлар қилаётганига эътиборни қаратган.
Тошкент юридик коллежи ўқувчилари дарс вақтида коллеж ҳовлисида ўзаро жанжаллашиб, пичоқбозлик қилиши оқибатида уларнинг бири вафот этган, бири эса оғир тан жароҳати олган.Учтепа туманида жойлашган Тошкент юридик коллежида 6 октябрь куни ўқувчи Саидкамрон Саидвоҳидов ўзаро келишмовчилик оқибатида икки курсдоши — Асадбек Парпибоев ва Раҳматилла Ёрқориевга пичоқ тиқиб олган. Ҳодиса оқибатида Парпибоев вафот этган, Ёрқориев оғир тан жароҳати олган.Эътибор беринг, қонун ҳимоячисини тайёрлашга масъул бўлган даргоҳ ўқувчилари оғир жиноят содир этган. Ўқувчи очиқдан очиқ ёнида пичоқ олиб юрса, унга ҳеч ким индамаса, назорат қилмаса, бунга ким жавоб беради?
Коллеж собиқ директори Темирова ушбу ҳолатга йўл қўйгани ҳамда жуда кўп миқдорда коллеж маблағларини ўзлаштириш, мансабини суиистеъмол қилиш каби жиноятларни содир этгани учун бугун қонун олдида жавоб беряпти.
Шавкат Мирзиёев, Ўзбекистон Президенти
Ҳодиса юзасидан Жиноят кодексининг 104-моддаси 3-қисми «д» банди (жабрланувчининг ўлишига сабаб бўлган қасддан баданга оғир шикаст етказиш) аломатлари билан жиноят иши қўзғатилган. 7 октябрь куни коллеж директори Наталя Темирова ишдан олинди, кейинроқ унга нисбатан жиноят иши очилгани маълум бўлди.
Изоҳ (0)