Игорь Плотницкийнинг истеъфосига қарамай, Украина томони билан асирларни алмашишга тайёргарлик давом эттирилади. Бу ҳақда тан олинмаган Луганск республикасининг янги етакчиси Леонид Пасечник маълум қилди, дея хабар беради «Корреспондент.net».
«Ҳарбий асирларни айирбошлаш жараёнига Игорь Плотницкийнинг истеъфоси умуман таъсир қилмайди. Жараён кетмоқда. ИИВ, халқ милицияси раҳбарияти қўлга олинган, бизнинг ҳудудда бўлган ва айирбошланиши керак барча шахсларни текшириб кўрди. 27 ноябрь, душанба куни менга рўйхат тақдим этилади», — таъкидлади Пасечник.
У Минск келишувлари доирасидаги асирларни айирбошлаш бўйича мажбуриятлар бажарилишини билдирди.
25 ноябрь, шанба куни маҳаллий парламент саломатлиги сабаб ариза берган республика етакчиси Игорь Плотницкий истеъфоси учун якдил овоз берди. Республика раҳбари вазифасини бажарувчи этиб хавфсизлиги вазири Леонид Пасечник тасдиқланди.
Изоҳ (0)