55 ёшида оламдан ўтган россиялик опера қўшиқчиси Дмитрий Хворостовскийнинг оиласи мухлисларни Британиянинг саратон касалликларини ўрганиш билан шуғулланувчи Cаncеr Research ташкилотига хайрия қилишга чақирди. Бу ҳақда хонанданинг Facebook’даги саҳифасида маълум қилинди, дея хабар беради «Газета.ru».
«Хворостовскийнинг оиласи қийин кунларда қўллаб-қувватлаган ва меҳр-муҳаббатини изҳор этган барча мухлисларга миннатдорлик билдиради. Гуллар ўрнига Cаncеr Research учун хайрия қилишни таклиф этамиз», — дейилади хабарда.
Москвада хонанда билан видолашув маросимидан сўнг кремация жараёни бўлиб ўтади. Шундан сўнг бир капсула Россия пойтахтида, иккинчиси Хворостовскийнинг она шаҳри — Красноярскда кўмилади.
Изоҳ (0)