Ўзбекистон Президенти Шавкат Мирзиёевнинг Корея Республикасига ташрифи давомида эришилган келишувлар бўйича ҳужжатлар имзолаш маросими бўлиб ўтди. Бу ҳақда Ўзбекистон Президентининг расмий веб-сайтида маълум қилинди.
Шавкат Мирзиёев ва Жанубий Корея президенти Мун Чже Ин стратегик шериклик муносабатларини ҳар томонлама чуқурлаштириш тўғрисида қўшма баёнотни имзолади.
Бундан ташқари, қуйидаги ҳужжатлар имзоланди:
- Ўзбекистон Бандлик ва меҳнат муносабатлари вазирлиги ва Жанубий Корея Инсон ресурсларини бошқариш вазирлиги ўртасида ҳамкорлик меморандуми, икки мамлакат адлия вазирликлари ўртасида ҳамкорлик меморандуми;
- Ўзбекистон Ташқи савдо вазирлиги ҳамда Жанубий Корея Савдо, саноат ва энергетика вазирликлари ўртасида Ўзбекистонда Миллий электрон савдо платформасини жорий қилиш бўйича ҳамкорлик битими;
- Ўзбекистоннинг Жаҳон савдо ташкилотига қўшилиши бўйича ҳамкорлик тўғрисидаги ҳукуматлараро меморандум;
- икки давлат ташқи ишлар вазирликлари ўртасида 2018–2020 йилларга мўлжалланган ҳамкорлик дастури;
- Ўзбекистон Иқтисодиёт вазирлиги билан Корея Стратегия ва молия вазирлиги ўртасида билимлар алмашинуви дастури бўйича англашув меморандуми;
- 2018–2020 йилларда иқтисодий тараққиёт ва ҳамкорлик жамғармаси кредитлари бўйича ҳукуматлараро ҳадли келишув;
- Ўзбекистон тикланиш ва тараққиёт фонди билан Корея экспорт-импорт банки ўртасида молиявий ҳамкорлик тўғрисида келишув.
Изоҳ (0)