Аввалроқ, Ўзбекистон Президенти Шавкат Мирзиёев президент Мун Чжэ Иннинг таклифига биноан 22 ноябрь куни давлат ташрифи билан Корея Республикасига келгани ҳақида хабар берилганди. Аэропортда Шавкат Мирзиёевни Жанубий Корея бош вазир ўринбосари, мамлакат молия вазири Ким Дон Ён кутиб олди.
Ташриф доирасида Шавкат Мирзиёев Миллий Ассамблея Спикери Чон Се Гюн ва Корея Республикаси бош вазири Ли Нак Ён билан учрашиши, икки давлатнинг етакчи иқтисодий ва молиявий тузилмалари раҳбарлари, йирик ишбилармонлар иштирокидаги Ўзбекистон – Жанубий Корея бизнес форумида иштирок этиши кўзда тутилган.
Ташриф якунлари бўйича Ўзбекистон ва Корея президентларининг Стратегик шерикликни ҳар томонлама ривожлантириш тўғрисидаги қўшма баёноти қабул қилиниши режалаштирилган.
Маълумот учун: АҚШ президенти Дональд Трамп Жанубий Кореяга уюштирган ташрифида уни Корея ташқи ишлар вазири Кан Гён Хва кутиб олган эди.
Ким Дон Ён ҳукуматда эгаллаган лавозими бўйича Кан Гён Хвадан юқорида туради.
Шунинг ўзи ҳам Ўзбекистон Президентининг Жанубий Кореяга ташрифи икки мамлакат учун нақадар аҳамиятли эканлигини билдиради.
Изоҳ (0)