Россиянинг Приморск ўлкасидаги «Чудесний» ҳайвонот боғида икки ташрифчи жониворларга ҳужум қилди, деб ёзади «РИА Новости» боғ вакили Александра Поповага таяниб.
Унинг сўзларига кўра, ҳайвонот боғига «осиёча» кўринишга эга бир гуруҳ эркаклар келган. Рус тилида бузиб гапираётган эркакларнинг икки нафари контакт волерига кириб, уларнинг ёнига югуриб келган чўчқачани тепиб юборган ҳамда қуёнларни омборхонадан тортиб олишни ва туяларни юнгидан тортишни бошлаган. Тажовузкор ташрифчиларни ҳудуддан қувиб чиқаришган, аммо кейинроқ улар қайтиб келиб, тўсиқдан сакраб ўтган ҳамда йўлбарс ва шерга тош отиб, тупура бошлаган.
Айни пайтда муассаса маъмурияти полиция ташрифини кутмоқда.
Изоҳ (0)