Дам олиш кунлари Тошкентда биринчи қор ёғиши кутилмоқда

25–26 ноябрь кунлари Ўзбекистонда ҳаво ҳароратини пасайиши ҳамда қор ва ёмғир ёғиши кутилмоқда. Бу ҳақда UzNews хабар бермоқда.

Тошкент, Самарқанд, Жиззах ва Сирдарё вилоятларида 23–24 ноябрь кунлари ёғингарчилик кузатилмайди, 25–26 ноябрь кунлари ёмғир ёғади, айрим туманларда 26 ноябрь куни ёмғир қорга ўтиши мумкин. 23 ноябрь кечки соатларда ҳаво ҳарорати +2...+7, кундузи +15...+20, 24 ноябрда кечаси +5...+10, кундузи +15...+20, 25–26 ноябрь кунлари кечаси +2...+7, кундузи +7...+12 даражагача.

Қорақалпоғистонда 23 ноябрь куни ёғингарчилик бўлмайди, 24 ноябрь куни алоҳида туманларда ёмғир ёғиши, 25 ноябрда эса айрим ҳудудларда ёмғир қорга ўтиши мумкин. 26 ноябрь куни айрим туманларда қор ёки ёмғир ёғиши мумкин. 23 ноябрь куни ҳаво ҳарорати кечаси +2...+7, кундузи +13...+18, 24–26 ноябрь кунлари кечаси 0...-5, кундузи 0...+5 даражагача.

Хоразм вилоятида 23 ноябрь куни ёғингарчилик бўлмайди, 24 ноябрь куни алоҳида ҳудудларда ёмғир кузатилади, 25 ноябрда ёмғир қорга ўтиши мумкин. 26 ноябрь куни қор ёки ёмғир кузатилиши мумкин. 23 ноябрда ҳаво ҳарорати кечаси +3...+8, кундузи +13...+18, 24–26 ноябрь кунлари кечаси 0...-5, кундузи 0...+5 даражагача.

Бухоро ва Навоий вилоятларида 23–24 ноябрь кунлари ёғингарчилик кутилмаяпти, 25–26 ноябрь кунлари ёмғир ёғади, 26 ноябрь куни айрим ҳудудларда қор ёғиши мумкин. 23 ноябрь куни ҳаво ҳарорати кечаси +2...+7, кундузи +15...+20, 24 ноябрда кечаси +5...+10, кундузи +15...+20, 25–26 ноябрь кунлари кечаси +2...+7, кундузи +7...+12 даражагача.

Қашқадарё ва Сурхондарё вилоятларида 23–24 ноябрь кунлари ёғингарчилик бўлмайди, 25–26 ноябрь кунлари ёмғир ёғади. Ҳаво ҳарорати 23-25 ноябрь кечаси +5...+10, кундузи +17...+22, 26 ноябрь куни +10...+15 даража.

Андижон, Фарғона, Наманган вилоятларида 23–25 ноябрь кунлари ёғингарчилик кутилмаяпти, 26 ноябрь куни ёмғир ёғиши мумкин. Ҳаво ҳарорати кечаси +2...+7, кундузи +13...+18 даража.

Республиканинг тоғли ҳудудларида ҳаво ўзгарувчан бўлади, 23–24 ноябрь куни ёғингарчилик бўлмайди, 25–26 ноябрь кунлари ёмғир ва қор ёғиши мумкин. Ҳаво ҳарорати 23–24 ноябрь кунлари кечаси 0...+5, кундузи +9...+14, 25–26 ноябрь кунлари кечаси -3...-8, кундузи 0...+5 даражагача.