Дам олиш кунлари омадсизлар йўл қўядиган 8 та хато

Ҳаммамиз дам олиш кунларини сабрсизлик билан кутамиз. Лекин уни қандай ўтказишимиз бизнинг қанчалик даражада омадли эканлигимизни айтиб бериши мумкин.

1. Улар режа тузмайди

Дам олиш кунларини дақиқасигача аниқлик билан тақсимлаб қўйиш керак эмас, лекин нима билан машғул бўлишни хоҳлаётганингизни тахминан бўлса ҳам тасаввур қилсангиз яхши бўлар эди. Шунда сиз ўз вақтингизни тежайсиз ва бирон-бир қизиқарли иш қилишни унутмайсиз.

2. Улар яқинлари учун вақт топмайди

Беҳаловат ҳафта давомида дўстлар ва яқинлар учун вақт топиш жуда қийин. Буни дам олиш кунлари амалга оширишга ҳаракат қилинг.

             3. Улар технологиялардан дам олмайди

Телефонни бир четга олиб қўйинг, хизмат почтасидан чиқинг. Ва ҳамкасбларингизга дам олиш кунлари жавоб бермаслигингизни олдиндан тушунтиринг.

4. Улар дам олиш кунларидан роҳат олмайди

Нималарни режалаштирган бўлсангиз ҳам, дам олиш кунлари албатта ўзингиз завқ оладиган машғулот билан шуғулланинг.

            5. Улар ҳамма вақт ухлайди

Балки сиз ҳафта давомида кўп ишлагансиз ва энди ўзингизга келаётган бўлишингиз мумкин. Ҳар қандай ҳолатда ҳам, агар дам олиш кунларини ухлаш билан ўтказсангиз, сиз уйқу режимини бузасиз ва келгуси ҳафтада ўзингизни ёмон ҳис қиласиз.

            6. Улар кўп харажат қилади

Албатта, баъзида одам ўзини хурсанд қилишни хоҳлайди. Лекин, агар одатдаги кунларда ўзингизни ҳамма нарсадан чекласангиз, дам олиш кунлари эса бўлмағур нарсаларга пул сарфласангиз, у ҳолда пулингизни ҳам тежай олмайсиз ва хурсанд ҳам бўла олмайсиз.

             7. Улар мулоҳаза қилмайди

Одатдаги кунлар ҳаёт ва ўз мақсадлари ҳақида ўйлаб кўришга вақт бўлмайди. Бунга дам олиш кунлари вақт ажратинг.

             8. Улар ҳар доим иш ҳақида ўйлайди

Келаси душанба куни учун иш режасини жума куни кечқурун тайёрлаб қўйинг, шанба ва якшанба кунлари эса иш ҳақида ўйламанг.

Манба: «Лайфхакер»