АҚШ бошчилигидаги коалиция учинчи томонлар билан террорчиларга қарши ҳарбий операциялар ўтказмайди. Бу ҳақда Пентагон вакили маълум қилди, дея хабар беради «РИА Новости».
«Коалиция Ироқ ё Сурияда Асад тузуми ёки Россия сўрови асосида авиазарбалар бермайди. Агар учинчи томондан ИШИД террорчилари бизнинг масъуллигимиздаги ҳудудда бўлиб тургани ҳақида маълумот олсак, уларнинг ҳаққонийлигини тасдиқлаш учун ўзимиз текширув ўтказишимиз мумкин. Маълумот тасдиқланса, ҳарбийлар чет томондан мустақил равишда авиаҳужумларни режалаштиради», — деди Пентагон вакили.
Россия мудофаа вазирлиги Суриядаги Россия гуруҳи қўмондонлиги АҚШ бошчилигидаги коалицияга икки бор Фрот дарёсининг шарқий қирғоғида ИШИД колоннасини йўқ қилиш бўйича ҳамкорликдаги ҳаракатларни таклиф этганини маълум қилди. Шунингдек, АҚШ Абу-Камолдан чекинаётган жангариларга авиазарба беришдан ҳам бош тортган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)