AQSh boshchiligidagi koalitsiya uchinchi tomonlar bilan terrorchilarga qarshi harbiy operatsiyalar o‘tkazmaydi. Bu haqda Pentagon vakili ma’lum qildi, deya xabar beradi “RIA Novosti”.
“Koalitsiya Iroq yo Suriyada Asad tuzumi yoki Rossiya so‘rovi asosida aviazarbalar bermaydi. Agar uchinchi tomondan IShID terrorchilari bizning mas’ulligimizdagi hududda bo‘lib turgani haqida ma’lumot olsak, ularning haqqoniyligini tasdiqlash uchun o‘zimiz tekshiruv o‘tkazishimiz mumkin. Ma’lumot tasdiqlansa, harbiylar chet tomondan mustaqil ravishda aviahujumlarni rejalashtiradi”, — dedi Pentagon vakili.
Rossiya mudofaa vazirligi Suriyadagi Rossiya guruhi qo‘mondonligi AQSh boshchiligidagi koalitsiyaga ikki bor Frot daryosining sharqiy qirg‘og‘ida IShID kolonnasini yo‘q qilish bo‘yicha hamkorlikdagi harakatlarni taklif etganini ma’lum qildi. Shuningdek, AQSh Abu-Kamoldan chekinayotgan jangarilarga aviazarba berishdan ham bosh tortgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)