Эрон ҳукумати мамлакатдаги вайронкор зилзиладан жабр кўрганларга 70 миллион доллар ажратишга қарор қилди. Бу ҳақда президент Ҳасан Руҳонийнинг матбуот хизмати маълум қилди, дея хабар беради «РИА Новости».
«Ижро органларининг табиий офатдан жабрланган ҳудудларга сафарлари, шунингдек, ишлаб чиқариш корхоналари, аҳоли турар жойларига етказилган зарар ҳақидаги ҳисоботларини тинглаб, ҳукумат аъзолари Кирмоншоҳ вилоятидаги азият чеккан фуқароларга ёрдам тариқасида 70 миллион доллар, вайрон бўлган ҳудудларни тиклашга эса 165 миллион доллар ажратишга қарор қилди», — дейилади матбуот хизмати хабарида.
Кирмоншоҳ вилояти расмийларига кўра, зилзиладан кўрилган зарар 500 миллион доллар атрофида баҳоланмоқда. Вилоятдаги 40 мингга яқин уй шикастланган ва вайрон бўлган.
Табиий офат ҳудудидаги кишилар ҳозиргача электр, ичимлик суви ва биринчи эҳтиёж буюмларисиз қолмоқда.
Изоҳ (0)