Япониялик эркак ўз жонига қасд қилиш истагидаги Twitter фойдаланувчиларининг бошини узиб ташлаган

Япония ҳукумати ўз жонига қасд қилиш ниятидагиларнинг бошини танасидан жудо қилувчи маньяк туфайли, ижтимоий тармоқларда худкушлик мазмунидаги постларни чеклаб қўяди, деб ёзади Daily Mail.

Таъкидланишича, кетма-кет шафқатсиз қотилликларда гумонланаётган Такахиро Шираиши (уни «Twitter’лик қотил» деб аташмоқда) ўз ҳаётига нуқта қўйиш ниятини билдириб пост қолдирган ижтимоий тармоқ фойдаланувчиларини алдаб-сулдаб қўлга туширган ва уларнинг бошларини узиб ташлаган. 15—26 ёшдаги жами тўққиз киши унинг қурбонига айланган.

23 ёшли аёлнинг ғойиб бўлиши билан боғлиқ ишни текшира туриб, полиция Шираишини қўлга олган. Қиз Twitter’га «ўзи билан бирга ўлишга тайёр одамни қидираётгани» ҳақида пост жойлаган, унга «Twitter’лик қотил» жавоб қилиб, унга ёрдам беришга ваъда берган. Қизнинг ёрдамида полиция Шираишини қўлга туширган. Унинг Токио ташқарисидаги уйидан бир ой аввал ғойиб бўлган одамларнинг жасадлари топилган.