Олмалиқ шаҳридаги «Металлург» санъат саройида ўқувчи-ёшларнинг ҳарбий хизматчилар билан «Менинг армиям – менинг ғурурим» мавзусида учрашуви ташкил этилди. Бу ҳақда мудофаа вазирлиги ахборот хизмати хабар бермоқда.
Ёшларни ҳарбий ватанпарварлик руҳида тарбиялашга қаратилган мазкур учрашувда мудофаа вазирлиги масъул офицерлари, туман ва шаҳар мудофаа ишлари бўлимлари бошлиқлари, музей ходимлари томонидан касб-ҳунар коллежлари ва академик лицейлар ўқувчиларига армиянинг мудофаа қудрати, ҳарбий хизматни ўташ тартиблари ҳақида батафсил маълумотлар берилди.
Шунингдек, ташкил этилган мазкур учрашувда ўқувчи ёшлар учун Ўзбекистон Республикаси қуролли кучлар давлат музейининг кўчма экспонатлари намойиш этилиб, музей фаолияти ҳақида тушунчалар берилди.
Тадбирда Ўзбекистон Республикаси қуролли кучлари марказий ашула ва рақс ансамбли йиғилганларга миллий армия қудратини мадҳ этувчи концерт дастурини тақдим қилди.
Изоҳ (0)