Хитой раҳбари Си Цзиньпиннинг махсус вакили, мамлакат коммунистлар партияси халқаро алоқалар бўлими бошлиғи Сун Тао 17 ноябрь, жума куни Шимолий Кореяга йўл олади. Бу ҳақда «ТАСС» хабар бермоқда.
Хитой марказий телевидениесига кўра, у «КХДРни шу йил октябрь ойида бўлиб ўтган Хитой коммунистлар партиясининг XIX съезди якунлари ҳақида хабардор қилади».
Ташрифнинг бошқа тафсилотлари келтирилмаган.
ХКП халқаро алоқалар бўлими олдинлари бошқа мамлакатлардаги коммунистлар партиялари билан муносабатлар учун жавоб берарди. Бугунги кунга келиб ўз вазифалари доирасини кенгайтирди ва бутун дунё бўйлаб ҳам ҳукмрон, ҳам мухолифат сиёсий ҳаракатлар билан алоқа қилмоқда.
Изоҳ (0)