Россия Давлат думаси баҳорги сессияда янги қонун лойиҳасини ишлаб чиқишни бошлайди, унга мувофиқ, SIM-карта Россия фуқаросининг тўла-тўкис шахсини тасдиқловчи ҳужжатга айланади, деб ёзади TJournal Давлат думасининг молия бозори бўйича қўмитаси раиси Анатолий Аксаковга таяниб.
«Айни пайтда сотилаётган SIM-карталар устидан назорат анча кучсиз, у кучайтирилган тақдирда эса, SIM-карталар тўла-тўкис шахсият идентификаторига айлана олади. У ҳолда шахсни тасдиқловчи асосий ҳужжатни доим ўзи билан олиб юриш шарт бўлмайди. SIM-карталар бўйича, охир-оқибат кредитни расмийлаштириш ҳам мумкин бўлади», — деди у.
Лойиҳани ишга тушириш учун SIM-карталар давлат реестрини яратиш, шунингдек, фирибгарликнинг олдини олиш учун улар устидан назоратни кучайтириш керак бўлади.
Бир киши сотиб оладиган SIM-карталар сони чекланмайди — уларнинг ҳар бири тўла-тўкис идентификатор бўлади ва уларни учинчи шахсларга бериш мумкин бўлмайди.
Изоҳ (0)