БМТ ҳарбий хизматчилар давлат телерадиокомпанияси биносини ўз назорати остига олиб, сўнг давлат тўнтариши ҳақидаги хабарларни рад этган Зимбабведаги вазиятни кузатиб бормоқда. Бу ҳақда жаҳон ташкилоти бош котиби расмий вакили Фархон Хак маълум қилди, деб ёзади «ТАСС».
«Биз вазиятни ўрганяпмиз. Хараредаги жамоамиз хавфсизликда ва айни пайтда ўз ишини давом эттирмоқда», — деди у.
Аввалроқ ҳарбий хизматчилар гуруҳи Хараредаги Зимбабве давлат телерадиокомпанияси биносини ўз назорати остига олгани хабар берилган эди. Қуролланган аскарлар шаҳар марказини ҳам эгаллаб олди, у ерда портлашлар овозлари эшитилди. Отишмалар товушлари мамлакатнинг 93 ёшли президенти Роберт Мугабенинг қароргоҳи яқинидан ҳам эшитилган.
Изоҳ (0)