Рэпер Тимати «Блэк таргет» веб-дизайн студиясига асос солди, у Black Star лейбли учун бир қатор лойиҳаларни амалга оширишга улгурди, деб ёзади «Hi-tech.mail.ru».
Дизайн-студия барча платформаларда веб-лойиҳаларни ишлаб чиқиш ва қўллаб-қувватлаш бўйича тўлиқ турдаги хизматларни тақдим этади. «Блэк таргет» Тиматининг яна бир лойиҳаси — Black Star Burger бургер ресторанлари тармоғи учун сайт ва мобил дастур, шунингдек, Black Star Wear интернет-дўкони учун iOS ва Android-қурилмаларга мўлжалланган дастур ишлаб чиққан.
Тиматининг янги лойиҳаси унга тегишли бўлган Make it Music сайтининг янги функционалини ишлаб чиқиш билан боғлиқ. Сервис мусиқий ва видеоконтентни чиқариш ва монетизация қилиш хизматларини таклиф этади.
Нашр эслатишича, шу йилнинг ёзида Тимати асос солган Black Star Inc. корпорацияси мобил алоқа виртуал операторини ишга тушириши ҳақида маълум қилган эди. Компания илк мижоларини ўз виртуал операторига 2017 йил охиригача уламоқчи.
Изоҳ (0)